پارٹی ڈسپلن دی خلاف ورزی، لیگی عہدیداراں دیاں تفصیلاں طلب
پارٹی ڈسپلن دی خلاف ورزی، لیگی عہدیداراں دیاں تفصیلاں طلب
اسلام آباد (اے پی پی) مسلم لیگ (ن) نے آزاد کشمیر دے عام انتخابات وچ پارٹی ڈسپلن دی خلاف ورزی کرن والے جماعتی عہدیداراں دیاں تفصیلاں منگوا لئیاں نیں، تاں جو انہاں دے خلاف تادیبی کارروائی کیتی جا سکے۔
اتوار نوں مسلم لیگ ن آزاد کشمیر دے جنرل سیکرٹری چودھری طارق فاروق ولوں جاری کیتے گئے مراسلے وچ سارے جماعتی ٹکٹ ہولڈراں نوں آکھیا گیا اے کہ اوہ جلد از جلد ایسے جماعتی عہدیداراں دی رپورٹ مرکزی قیادت نوں بھجن، جڑے عام انتخابات دوران پارٹی ڈسپلن دی خلاف ورزی دے مرتکب پائے گئے یا جماعتی مفادات دے خلاف کسے سرگرمی وچ شامل رہے۔
مراسلے مطابق موصول ہون والی رپورٹس دی بنیاد اُتے متعلقہ عہدیداراں خلاف تادیبی کارروائی کیتی جا سکدی اے۔
