اسپانٹک پہاڑ اُتے جاں بحق ڈاکٹر اسما مشتاق دی لاش لیاؤن دا آپریشن موسم دی خرابی کارن مؤخر
اسپانٹک پہاڑ اُتے جاں بحق ڈاکٹر اسما مشتاق دی لاش لیاؤن دا آپریشن موسم کارن مؤخر
اسلام آباد (مانیٹرنگ ڈیسک) قراقرم دے اسپانٹک پہاڑ اُتے جاں بحق ہون والی ڈاکٹر اسما مشتاق دی لاش کیمپ تھری توں بیس کیمپ منتقل کرن دا ریسکیو آپریشن شدید خراب موسم کارن مؤخر کر دِتا گیا اے۔
وزیرِ اطلاعات عطااللہ تارڑ نے ایکس اُتے اپنے پیغام وچ آکھیا کہ ڈاکٹر اسما دی میت واپس لیاؤن دیاں کوششاں جاری نیں۔ ہائی آلٹیٹیوڈ پورٹرز کیمپ تھری تک پہنچن دی کوشش وچ سن، پر خراب موسم دی وجہ نال ریسکیو ٹیم کیمپ ٹو واپس پہنچ گئی۔
وزیرِ اطلاعات دے مطابق ڈاکٹر اسما دی میت بیس کیمپ لیاؤن دا منصوبہ متاثر ہو رہیا اے، تاہم متبادل انتظامات وی کر لِتے گئے نیں تے ہر ممکن کوشش جاری اے۔ گلگت بلتستان حکومت تے ایف سی این اے وچ مکمل رابطہ موجود اے۔
وفاقی وزیرِ اطلاعات نے تصدیق کیتی اے کہ ہیلی کاپٹر دے ذریعے میت واپس لیاؤن دی اجازت دے دِتی گئی اے۔ وزیراعظم شہباز شریف نوں سارے صورتحال بارے مسلسل آگاہ رکھیا جا رہیا اے۔
