یورپی یونین دی اسرائیل دے ای ون آبادکاریمنصوبے دی شدید مخالفت، ٹینڈر واپس لین دا مطالبہ
یورپی یونین نے اسرائیل دے ای ون آبادکاری منصوبے دی مخالفت کردیاں ہویاں اسرائیلی حکومت توں منصوبے دا ٹینڈر واپس لین دا مطالبہ کر دتا اے۔
یورپی یونین دے اعلیٰ نمائندے نے اسرائیل دے ای ون مغربی کنارے دے آبادکاری منصوبے دی مخالفت کردیاں ہویاں آکھیا اے کہ اسرائیلی حکومت اتے زور دیندے ہاں کہ اوہ ای ون منصوبے دا ٹینڈر واپس لے۔
یورپی یونین دے نمائندے نے اپنے بیان وچ آکھیا کہ ای ون سمیت مغربی کنارے وچ اسرائیلی آبادکاریاں بین الاقوامی قانون دے تحت غیرقانونی نیں.
بیان وچ آکھیا گیا اے کہ منصوبے دے تحت مجوزہ اساریاں مغربی کنارے نوں دو حصیاں وچ ونڈ تے مشرقی یروشلم نوں الگ تھلگ کر دیوانگیاں، جیدی وجہ توں دو ریاستی حل دے قابلِ عمل ہون دے امکانات ہور متاثر ہونگے۔
یورپی یونین نے اسرائیلی پراسیکیوٹرز ولوں اخیرلے دناں وچ آبادکاراں دے تشدد دے کجھ واقعیاں وچ رلے بندیاں دے خلاف مقدمے قائم کیتے جان دا وی ذکر کیتا۔
یورپی یونین نے اسرائیل توں مطالبہ کیتا کہ اوہ منصوبے سمیت دوجیاں ساریاں یہودی آبادکاری دی ودھن آلیاں سرگرمیاں روکے تے آبادکاراں دے تشدد دے ذمہ داراں دے خلاف کارروائی یقینی بناوے۔
واضح رہے کہ اسرائیل نے عالمی مخالفت دے باوجود مقبوضہ بیت المقدس وچ ای ون آبادکاری منصوبے اتے کم شروع کر دتا اے۔
برطانیہ، فرانس، جرمنی، اٹلی، نیدرلینڈز، ناروے تے کینیڈا نے رلے مل کے بیان وچ اساری دے ٹینڈر جاری کرن دے فیصلے نوں ناقابلِ قبول قرار دتا اے۔
خیال رہے کہ اس توں پہلاں برطانیہ نے اسرائیل ولوں ن متنازع یہودی آبادکاری منصوبے لئی ٹینڈر جاری کرن دی مذمت کردیاں ہویاں اسرائیلی ناظم امور نوں سݪا کے احتجاج کیتا سی۔
