سانوں کسے جماعت دے سرٹیفکیٹ دی لوڑ نہیں: سعید غنی
سانوں کسے جماعت دے سرٹیفکیٹ دی لوڑ نہیں: سعید غنی
کراچی (سٹاف رپورٹر) وزیرِ محنت تے افرادی قوت سندھ سعید غنی نے آکھیا اے کہ سانوں جماعتِ اسلامی، ایم کیو ایم، پی ٹی آئی یا کسے ہور سیاسی جماعت دے سرٹیفکیٹ دی کوئی لوڑ نہیں۔ سانوں عوام دی فلاح لئی کم کرن اُتے عوام دے ووٹ ملدے نیں۔
اُنہاں آکھیا کہ اسی اینے گھٹ نظر یا کم عقل نہیں کہ منتخب نمائندیاں نوں نال لے کے نہ چلّیے۔ اسی عوام دے ووٹاں لئی عوام دی خدمت کیتی اے۔ ماضی وچ اتھے عوامی خدمت دی بجائے ٹھپہ مافیا نے عوام نوں پستی ول دھکیل دِتا سی۔
سعید غنی نے آکھیا کہ پیپلز پارٹی نے عوام دی خدمت دا بیڑہ چکیا اے۔ اسی کسے تنقید کرن والے نوں جوابدہ نہیں آں۔
اِنہاں خیالات دا اظہار اُنہاں کورنگی یوسی 8 وچ کلک تے ٹاؤن میونسپل کارپوریشن کورنگی دے اشتراک نال تعمیر کیتے گئے بینظیر بھٹو شہید کرکٹ گراؤنڈ تے فیملی پارک دے افتتاح دے موقع اُتے کیتا۔
