سردار یوسف تے طاہر اشرفی دی ملاقات، عالمی سیرت کانفرنس اُتے تبادلہ خیال
سردار یوسف تے طاہر اشرفی دی ملاقات، عالمی سیرت کانفرنس اُتے تبادلہ خیال
اسلام آباد (اے پی پی) وفاقی وزیرِ مذہبی امور سردار محمد یوسف نال پاکستان علما کونسل دے چیئرمین حافظ طاہر محمود اشرفی نے ملاقات کیتی۔ ملاقات وچ مجوزہ بین الاقوامی سیرت کانفرنس، حج انتظامات تے ملک وچ بین المذاہب تے بین المسالک ہم آہنگی دے فروغ سمیت مختلف معاملے اُتے گل بات کیتی گئی۔
طاہر اشرفی نے گزشتہ حج دوران عازمینِ حج لئی کیتے گئے انتظامات تے رواں سال حجاجِ کرام دی سہولت لئی چُکے جا رہے اقدامات اُتے وزارتِ مذہبی امور دی تعریف کیتی۔
حافظ طاہر محمود اشرفی نے آکھیا کہ امید اے سیرت کانفرنس اُمہ، پاکستان تے عالمِ اسلام دی نوجوان نسل نوں درپیش چیلنجز نال نمٹن لئی اک مثبت، مؤثر تے جامع لائحہ عمل پیش کرن وچ مددگار ثابت ہووے گی۔
وفاقی وزیر سردار محمد یوسف نے طاہر محمود اشرفی دا شکریہ ادا کردیاں بین المذاہب تے بین المسالک ہم آہنگی، رواداری تے قومی وحدت دے فروغ وچ قومی پیغامِ امن کمیٹی تے پاکستان علما کونسل دے کردار نوں سراہیا۔
