پاکستان لئی سعودی عرب دی مستقل حمایت نوں سراہندے: آصف زرداری
اسلام آباد (سٹاف رپورٹر) صدر آصف زرداری نال سعودی سفیر نواف بن سعید المالکی نے الوداعی ملاقات کی۔
صدرِ مملکت نے پاکستان تے سعودی عرب دے دیرینہ برادرانہ تے تذویراتی تعلقات دے استحکام لئی سعودی سفیر دیاں خدمات تے تعاون نوں سراہیا۔ انہاں آکھیا کہ سعودی سفیر نے دوطرفہ تعلقات دے فروغ، بالخصوص سیاسی، اقتصادی تے تجارتی شعبیاں وچ اہم کردار ادا کیتا۔
پاکستان لئی مملکتِ سعودی عرب دی مستقل حمایت نوں سراہندے آں۔ تعلقات دی مضبوط بنیاد آؤن والے برسیاں وچ پاکستان تے سعودی عرب دے دوطرفہ تعاون لئی رہنمائی کردی رہوے گی۔
سعودی سفیر نے محبت، گرمجوشی تے تعاون اُتے صدرِ مملکت، حکومتِ پاکستان تے عوام دا شکریہ ادا کیتا تے آکھیا کہ پاکستان تے اوہدے عوام نوں ہمیشہ قدر تے احترام دی نگاہ نال ویکھدے رہواں گے۔
