’تجارت دے معاملے اتے امریکہ نال حالتِ جنگ وچ ہاں‘، کینیڈین وزیراعظم دا امریکہ اُتے جوابی تجارتی ٹیرف دا اعلان
کینیڈا نے امریکہ اُتے جوابی تجارتی ٹیرف لان دا اعلان کر دتا اے۔
کینیڈین وزیراعظم مارک کارنی نے آکھیا اے کہ 8 ستمبر توں امریکی سٹیل، الیکٹرانکس تے دوجیاں چیزاں اُتے تجارتی ٹیرف لاگو کیتا جائے گا۔
مارک کارنی نے آکھیا کہ کینیڈین ورکرز، فارمرز، فیملیز تے بزنس دی خاطر اک اک ڈالر دا حساب لیا جائے گا۔
کینیڈا دے وزیراعظم نے ہور آکھیا کہ تجارت دے معاملے اُتے امریکہ نال حالتِ جنگ وچ ہاں۔
ایس توں پہلاں امریکہ تے کینیڈا دے وچکار مذاکرات ناکام ہون اُتے صدر ٹرمپ ولوں کینیڈا اُتے آج توں 50 فیصد ٹیرف عائد کر دتا گیا اے۔
امریکہ ولوں عائد کیتے گئے ایس ٹیرف دی وجہ توں کینیڈا دیاں امریکہ نوں کیتیاں جان والیاں 20 ارب ڈالر مالیت دیاں برآمدات متاثر ہون گیاں۔
