غلط معلومات تے گمراہ کن مواد دا مؤثر تدارک ناگزیر: وزیرِ اطلاعات

نوجوان افسر عاجزی، عزم تے احساسِ ذمہ داری نال ملک دی خدمت کرن، خطاب

زیرِ تربیت افسران دا ڈیجیٹل کمیونیکیشن ڈیپارٹمنٹ، وزارتِ اطلاعات دا دورہ، ملاقات

اسلام آباد (اے پی پی) 54ویں کامن ٹریننگ پروگرام دے 217 زیرِ تربیت افسران نے وزارتِ اطلاعات تے نشریات دے ڈیجیٹل کمیونیکیشن ڈیپارٹمنٹ دا دورہ کیتا تے وفاقی وزیرِ اطلاعات و نشریات عطا اللہ تارڑ نال ملاقات کیتی۔

وفد وچ وفاقی حکومت دے 12 مختلف پیشہ ورانہ گروپاں تے سروسز نال تعلق رکھن والے 217 پروبیشنرز، جنہاں وچ 117 مرد تے 100 خواتین شامل سن۔

وزیرِ اطلاعات نے وفد نوں خطاب کردیاں آکھیا کہ سرکاری افسران دیاں پیشہ ورانہ صلاحیتاں تے مؤثر عوامی خدمت لئی کامن ٹریننگ پروگرام اہم کردار ادا کر رہیا اے۔

موجودہ ڈیجیٹل دور وچ غلط معلومات تے گمراہ کن مواد دا مؤثر تدارک ناگزیر اے۔ نوجوان افسر عاجزی، عزم تے احساسِ ذمہ داری نال پاکستان دی خدمت کرن۔

وفد نوں ڈیجیٹل کمیونیکیشن دے ذریعے عوامی رابطہ کاری، قومی پالیسیاں تے حکومتی اقدامات بارے عوام نوں آگاہ کرن دے طریقۂ کار بارے بریفنگ وی دِتی گئی۔