عمران، نورین ملاقات بارے من گھڑت خبراں چل رہیاں: گوہر
بانی پی ٹی آئی نے بہن نال سہیل آفریدی یا قیادت دے خلاف کوئی گل نہیں کیتی، ملاقات توں بعد نورین خوش سن، کجھ گلاں شیئر نہیں کیتیاں جا سکدیاں: گوہر
اسلام آباد (این این آئی، مانیٹرنگ ڈیسک) تحریکِ انصاف دے چیئرمین بیرسٹر گوہر نے آکھیا اے کہ بانی پی ٹی آئی عمران خان نے اپنی بہن نورین نیازی نال ملاقات دوران سہیل آفریدی یا قیادت دے خلاف کوئی گل نہیں کیتی۔
بانی پی ٹی آئی نال ملاقات توں بعد نورین نیازی نال فون اُتے رابطہ ہویا تاں انہاں ملاقات دے احوال دا ذکر نہیں کیتا تے نورین نیازی نے آکھیا سی کہ اوہ باہر گل نہیں کرن گے۔
بیرسٹر گوہر نے میڈیا نال گل بات کردیاں ہور آکھیا کہ بانی پی ٹی آئی تے نورین نیازی دی ملاقات بارے من گھڑت خبراں چلائیاں جا رہیاں نیں۔ عمران خان نے سہیل آفریدی یا قیادت دے خلاف کوئی گل نہیں کیتی۔
انہاں آکھیا کہ ملاقات توں بعد نورین نیازی خوش سن، تاہم کجھ چیزاں ایہوجیاں نیں جنہاں نوں شیئر نہیں کیتا جا سکدا۔
