افغان طالبان نے ملک بھر میں مظاہروں پر مکمل پابندی لگادی
افغانستان وچ طالبان رجیم نے مظاہریاں اُتے مکمل پابندی لا دتی اے۔
افغان میڈیا دے مطابق طالبان دے سپریم لیڈر ہیبت اللہ اخوندزادہ نے نویں قانون ‘شرطہ’ (پولیس قانون) دی منظوری دے دتی اے جیندے تحت افغانستان بھر وچ ہر قسم دے مظاہریاں اُتے پابندی گی۔
افغان وزارت انصاف ولوں آج باقاعدہ قانون ‘شرطہ’ جاری کر دتا گیا اے جیندے وچ پولیس دے مختلف شعبیاں وچ فرائض تے ذمےواریاں دا تعین کیتا گیا اے۔
افغان میڈیا دے مطابق قانون ‘شرطہ’ دی شق 50 وچ واضح طور تے آکھیا گیا اے کہ افغانستان دی دھرتی اُتے کسی وی قسم دا مظاہرہ منع اے۔
خیال رہے کہ افغان طالبان نے حال ہی وچ اپنی پولیس فورس دا ناں بدل کے ‘شرطہ’ رکھیا اے۔
پولیس قانون وچ آکھیا گیا اے کہ پولیس اہلکار گرفتاری دے دوران ایسے اقدامات توں بچن گے جیندے نال زیر حراست بندیاں یا ملزماں دی جسمانی صحت یا عزت نفس نوں نقصان پہنچن دا خطرہ ہوئے۔
قانون دے تحت کسی وی قیدی یا ملزم نوں عدالتی حکم دے بغیر ڈنڈے، کوڑے یا کیبل نال مارن یا کسی وی دوجے طریقے نال تشدد دا نشانہ بنان دی اجازت نہیں
