سونا ہور مہنگا، 3 دناں وچ 15 ہزار 100 روپے دا اضافہ ریکارڈ
ملک بھر وچ سونے دی فی تولہ قیمت وچ آج پھر اضافہ ہو گیا اے۔
آل پاکستان جیمز اینڈ جیولرز ایسوسی ایشن دے مطابق فی تولہ سونے دی قیمت وچ 4 ہزار 200 روپے دا اضافہ ہویا جیندے بعد فی تولہ سونے دی قیمت 4 لکھ 87 ہزار 136 روپے ہو گئی اے۔
دوجے پاسے عالمی مارکیٹ وچ سونے دا بھاء 42 ڈالر اضافے نال 4 ہزار 646 ڈالر فی اونس ہو گیا اے۔
خیال رہے کہ پچھلے 2 دناں دے دوران ملک وچ سونے دی فی تولہ قیمت وچ 10 ہزار 900 روپے دا اضافہ ہویا، آج مزید 4 ہزار 200 روپے اضافے نال 3 کاروباری دناں وچ 15 ہزار 100 روپے دا اضافہ ریکارڈ کیتا گیا اے۔
