سونا 2400روپئے فی تولہ مہنگا ہو گیا
لہور: ملک اندر سونے دی قیمت آسمان نال چھوئون لگ پئی ، فی تولہ2400روپئے مہنگا ہو کہ 1لکھ 8ہزار300نال ریکارڈ سطح اُتے پہنچ گیا ،تفصیلات دے مطابق بین الاقوامی مارکیٹ اندر فی اونس سونے دی قیمت وچ26امریکی ڈالر دا وڈا اضافہ ویکھیا گیا جس توں بعد عالمی سطح تے فی اونس سونے دی نویں قیمت 1ہزار802امریکی کرنسی دی سطح اُتے پہنچ گئی ، گوجرانوالہ سمیت ہور وی جگہاں اُتے فی تولہ سونے دی قیمت اندر2400روپئے اضافہ ویکھیا گیا ، جس تو بعد سونے دی نویں قیمت 1لکھ 8ہزار300نال اُچی سطح تے پہنچ گئی اے ۔
