نادرا دی پنشنراں لئی اہم وضاحت

کراچی (این این آئی) نیشنل ڈیٹا بیس اینڈ رجسٹریشن اتھارٹی (نادرا) نے پنشنرز لئی پروف آف لائف سرٹیفکیٹ نال متعلق اہم وضاحت جاری کردیاں آکھیا اے کہ سرٹیفکیٹ دے اجرا تے تصدیق دے عمل وچ بینکاں دا کوئی کردار نہیں۔

نادرا دے مطابق پنشن حاصل کرن والے یا پنشن دے اہل افراد نال متعلق معاملات براہِ راست متعلقہ پنشن فراہم کرن والے ادارے دے ذریعے انجام دِتے جاندے نیں۔ پنشنرز موبائل ایپ دے ذریعے اپنی درخواست متعلقہ پنشن فراہم کرن والے ادارے نوں براہِ راست ارسال کر سکدے نیں۔

اتھارٹی نے واضح کیتا کہ پروف آف لائف سرٹیفکیٹ دی کارروائی پنشن فراہم کرن والے ادارے نال منسلک اے، بینک نال نہیں۔ سرٹیفکیٹ مکمل ہون توں بعد ایہ متعلقہ پنشن فراہم کرن والے ادارے نوں جمع کرایا جاوے گا۔

نادرا نے پنشنرز نوں ہدایت کیتی اے کہ پروف آف لائف سرٹیفکیٹ مکمل کرن یا معلومات اپ ڈیٹ کراؤن لئی بینک نال رابطہ کرن دی لوڑ نہیں۔