دورہ ہنگو: وزیراعلیٰ پختونخوا گاڑی دی چھت توں ڈگّن توں بال بال بچ گئے
کوہاٹ (این این آئی) وزیراعلیٰ پختونخوا سہیل آفریدی ہنگو دے دورے دوران گاڑی دی چھت توں ڈگّن توں بال بال بچ گئے، تاہم سڑک اُتے اچانک جھٹکا لگن دے باعث اُنہاں دے پچھے کھڑے رکنِ صوبائی اسمبلی شاہ تراب خان، وزیرِ اطلاعات شفیع جان تے سکیورٹی اہلکار اپنا توازن برقرار نہ رکھ سکے تے اک دوجے اُتے جا ڈگے۔
ایہ واقعہ گزشتہ روز اوہدوں پیش آیا جدوں وزیراعلیٰ ہنگو دے دورے دوران ہیلی پیڈ توں روانگی دے بعد ہور گاڑیاں دے نال گاڑی دی چھت اُتے کھڑے سن۔
واقعے دی ویڈیو وی سوشل میڈیا اُتے وائرل ہو گئی۔ ویڈیو منظرِ عام اُتے آون توں بعد سوشل میڈیا اُتے مختلف تبصرے جاری نیں۔
