بجلی چوری، بن دسے لوڈشیڈنگ: قومی اسمبلی دے ارکان دا واپڈا پالیسی تے بحث دا مطالبہ
ایک گھر دی بجلی چوری تے پورے پنڈ دی بجلی بند کرن دی پالیسی ٹھیک نہیں، طریقہ بدلیا جاوے: لیگی رکن کھنڈ (چینی) دی برآمد تے درآمد نال 300 ارب دا ڈاکا، وزیراعظم سسٹم تباہ ہون والے بیان دی وضاحت کرن: آغا رفیع اللہ
اسلام آباد (نامہ نگار، سٹاف رپورٹر، اے پی پی) قومی اسمبلی دے اجلاس وچ ارکان نے دیس دے وکھ وکھ علاقیاں وچ بن دسے لوڈشیڈنگ تے بجلی چوری دے خلاف اپنائی گئی پالیسی تے سخت تشویش دا اظہار کیتا اے۔ ارکان نے کے-الیکٹرک ولوں کئی کئی دن بجلی معطل رکھن دی مذمت کیتی تے واپڈا دی پالیسی تے ایوان وچ تفصیلی بحث کرواؤن دا مطالبہ کیتا۔
اجلاس دوران مسلم لیگ (ن) دے رکن سعد وسیم نے نکتۂ اعتراض تے آکھیا کہ کسے ایک گھر دی بجلی چوری تے پورے پنڈ یا علاقے دی بجلی بند کرنا کتے دا انصاف نہیں، ایہ طریقہ کار بدلا جاوے تے اصل چوراں خلاف کارروائی کیتی جاوے۔
پیپلز پارٹی دے رکن سید آغا رفیع اللہ نے آکھیا کہ اوہناں دے حلقے وچ تن دناں توں بجلی بند اے۔ اوہناں وزیراعظم توں کابینہ دے وزیر دے “سستم کولیپس” والے بیان دی وضاحت منگی۔ گل بات دوران ایم کیو ایم دے رکن نال اوہناں دی تلخ کلامی وی ہوئی جیہدے تے ڈپٹی سپیکر نے مائیک بند کر دتا۔ آغا رفیع اللہ نے کھنڈ دی پہلاں برآمد تے پھر درآمد دے فیصلے تے سوال چکدے ہوئے آکھیا کہ ایہ 300 ارب روپے دا ڈاکا اے جیہدی تحقیقات ہونی چاہیدی اے۔
جے یو آئی (ف) دی رکن شاہدہ اختر علی نے وی لوڈشیڈنگ دے خاتمے دا مطالبہ کیتا، جد کہ عالیہ کامران نے پرائیویٹ ممبر ڈے نوں نکتۂ اعتراضات لئی مختص کرن تے اپوزیشن نوں اعتماد وچ نہ لیݨ تے اعتراض کیتا۔
