کالعدم بی ایل اے دا عوام دشمن ایجنڈا بے نقاب

کوئٹہ بلوچستان دے ضلع پشین دے علاقے سرانان وچ سڑک دی تعمیر وچ مصروف مزدوراں تے فائرنگ دے واقعے دی بلوچستان حکام نے شدید مذمت کردیاں آکھیا اے کہ محنت کشاں دا خون وگاؤݨ والیاں نال کوئی رعایت نہیں کیتی جاوے گی۔

لنگھے دن کالعدم بلوچ لبریشن آرمی (بی ایل اے) دے دہشت گرداں دی فائرنگ نال 4 مزدور جاں بحق تے اک زخمی ہو گیا سی۔ حکام مطابق بے گناہ مزدور سڑک دی تعمیر وچ مصروف سن کہ دہشت گرداں نے اوہناں نوں نشانہ بنایا۔ واقعے توں بعد سکیورٹی فورسز نے علاقے نوں گھیرے وچ لے کے حملہ آوراں دی بھال شروع کر دتی۔ وزیراعلیٰ، وزیر داخلہ تے گورنر بلوچستان نے حملے دی شدید مذمت کردیاں آکھیا کہ دہشت گرداں خلاف کارروائی جاری اے۔

حکام دا کہنا اے کہ مزدوراں، مسافراں تے عورتاں نوں نشانہ بݨاؤݨا کالعدم بی ایل اے دے عوام دشمن کردار دا ثبوت اے۔ ایس توں پہلے تربت وچ 7 مزدوراں نوں اغوا کرن توں بعد قتل کیتا گیا، جد کہ نوشکی وچ ماں دھی دے قتل تے مستونگ وچ مسافر بساں تے حملیاں دے واقعے وی سامنے آئے سن۔ حکام مطابق غیرمقامی مزدوراں نوں نشانہ بݨا کے بلوچستان وچ خوف دی فضا پیدا کرن دی کوشش کیتی جا رہی اے، تاہم دہشت گردی راہیں تعمیر و ترقی، سرمایہ کاری تے روزگار دے موقعیاں نوں ڈکن دی ہر کوشش ناکام بݨائی جاوے گی۔