پاکستان دا کلبھوشن یادیو نوں دوجی قونصلر رسائی دین دا اعلان
اسلام آباد: پاکستان نے کلبھوشن یادیو نوں دوجی قونصلر رسائی دین دا اعلان کر دتا۔انسانی ہمدردی دی بنیاد تے پیو نوں ملاقات دی پیشکش کر دتی۔ ایڈیشنل اٹارنی جنرل آکھیا پاکستانی قنون فیصلے دا نویں سرے توں جائزہ لین دی اجازت دیندا اے، پر کلبھوشن نے نظرثانی دی اپیل دائر کرن توں انکار کر دتا۔ ایڈیشنل اٹارنی جنرل احمد عرفان تے ڈی جی جنوبی ایشیا نے اسلام آباد وچ پریس کانفرنس کردیاں آکھیا کلبھوشن پاکستان وچ تخریب کاری دی کاروائیاں وچ ملوث رہیا، پاکستان نے عالمی عدالت دے فیصلے دے بعد اقدامات کیتے، پاکستان دا قنون فیصلے دا نویں سرے توں جائزہ لین دی اجازت دیندا اے، پر بھارتی جاسوس کلبھوشن یادیو نے اپنے نویں سرے توں فیصلے دے جائزہ لین دے حق نوں رد کیتا، پاکستان اپنی عالمی ذمہ داریاں توں چنگی طرح آگاہ تے پاکستان آئی سی جے دے فیصلے تے عملدرآمد لئی تیار اے۔ احمد عرفان دا کہنا سی بھارت معاملے نوں سیاسی رنگ دین دے بجائے قنونی رستہ اختیار کرے، انسانی حقوق دی بنیاد تے کلبھوشن دی بیوی نال ملاقات دا انتظام کیتا گیا، بھارت نوں دوجی وار قونصلر رسائی دی پیشکش کیتی اے۔
