لہور وچ خاتون نے ٹریفک وارڈن نوں تھپڑ مار دتا

لہور: گلبرگ وچ خاتون نے ٹریفک وارڈن نال بدتمیزی کیتی تے چپیڑ مار دتی۔ لہور دے علاقے گلبرگ وچ رانگ پارکنگ تے ٹریفک وارڈن نے خاتون نوں گڈی ہٹان دا آکھیا جہدے تے خاتون سیخ پا ہو گئیاں، خاتون نے ٹریفک وارڈن نال بدتمیزی کیتی تے دھمکیاں دیندیاں آکھیا ایہ لو اپنے پیو نال گل کرو، خاتون نے ٹریفک وارڈان توں وائرلیس سیٹ وی کھون دی کوشش کیتی تے ٹریفک وارڈن نوں چپیڑ مار دتی۔ دوجے پاسے گلبرگ پلس نے وارڈن دی مدعیت وچ نامعلوم خاتون دے خلاف کار سرکار وچ مداخلت دا مقدمہ درج کر لیا اے۔ پلس نے کار دا نمبر شناخت ہون دے باوجود خاتون نوں اجے تک گرفتار نہیں کیتا۔