فیلڈ مارشل دا دفاعی صنعتی کمپلیکس دا دورہ، دیس اندر تیار ہتھیاراں تے گولہ بارود دے تجربات دا مشاہدہ کیتا گیا۔
چیف آف ڈیفنس فورسز فیلڈ مارشل عاصم منیر نے دفاعی صنعتی کمپلیکس واہ دا دورہ کیتا جتھے اوہناں نے دیس اندر ڈیزائن تے تیار کردہ ہتھیاراں تے گولہ بارود دے تجربات تے آزمائشاں دا مشاہدہ وی کیتا۔
آئی ایس پی آر مطابق فیلڈ مارشل سید عاصم منیر نے دفاعی صنعتی کمپلیکس پی او ایف واہ دا دورہ کیتا، دورے وچ پی او ایف دی پیداواری صلاحیتاں، برآمدی موقعیاں تے دیس دی دفاعی صنعتی بنیاد نوں پکا کرن وچ ایہدے کردار دا جائزہ لیا گیا۔
فیلڈ مارشل نوں پی او ایف دیاں خاس کماں تے دیس دا دفاع پکا کرن وچ ایہدے کردار اُتے بریفنگ دتی گئی، اوہناں نوں دیس اندر وکھو وکھریاں قسماں دے فوجی ساز و سامان دی تیاری تے ترقی بارے وی جانکاری دتی گئی۔
