وزیر اعظم نے آئسولیشن تے وبائی امراض دے جدید ہسپتال دا افتتاح کر دتا

اسلام آباد: وزیر اعظم عمران خان نے آئسولیشن تے وبائی امراض دے جدید ہسپتال دا افتتاح کر دتا ، این ڈی ایم اے نے 250بیڈز اُتے مشتمل طبی مرکز40دن اندر مکمل کیتا،وزیراعظم عمران خان نے اسلام آباد وچ آئسولیشن ہسپتال تے انفکشنز ٹریٹمنٹ سینٹر بارے بریفنگ دتی ۔ ایس موقع تے آرمی چیف قمر جاوید باجوہ، چینی سفیر، وفاقی وزرا شبلی فراز، اسد عمر تے ہور وی موجود سن ،جدید سہولیات تو ںآراستہ 250بستریاں اُتے مشتمل ایہ ہسپتال بہترین سازو سامان تے ادویات دے نال کورونا وائرس دے متاثرہ مریضاں لئی استعمال ہوئے گا ،آئسولیشن ہسپتال دی تعمیر نال اسلام آباد دے ہسپتالاں اُتے مریضاں دا دبائو گھٹ جائے گا،ایس موقع تے وزیراعظم عمران خان نے آکھیا کہ تھوڑے ٹائم اندر جدید ہسپتال دا قیام قابل تعریف اے ، زیادہ لوکاں دے اکھٹے ہوون نال وائرس تیزی نال پھیلدا اے ، تے ہن وبا ء دا پھیلائو گھٹ ہا رہیا اے ،اللہ تعالیٰ نے کرم کیتا اے ، عوام نال پُر زور اپیل اے کہ وڈی عید اُتے ایس او پیز تے عمل کریں ، تے عید سادگی نال مناون۔