حکومت نے PTC تنظیمِ نو ترمیمی بل سینیٹ توں واپس لے لیا

اسلام آباد (اپنے رپورٹر توں): حکومت نے پاکستان ٹیلی کمیونیکیشن تنظیمِ نو ترمیمی بل 2026 واپس لے لیا اے۔ بل واپس لین دی تحریک وزیر آئی ٹی دی بجائے وزیر مملکت طلال چودھری نے سینیٹ وچ پیش کیتی۔

وفاقی وزیر آئی ٹی تے ٹیلی کمیونیکیشن شزا فاطمہ خواجہ نے ٹیلی کام بل پی ٹی آر اے بارے اہم بیان وچ آکھیا کہ سینیٹ توں پی ٹی آر اے بل واپس لین دی درخواست جمع کرا دِتی گئی اے۔ سارے ضروری تے بنیادی نکات شامل کرکے جلد نواں تے جامع بل پیش کیتا جاوے گا۔

اوہناں آکھیا کہ پی ٹی آر اے بل دی 90 روزہ قانونی مدت ختم ہون دے قریب سی، ایس لئی بل واپس لین دا فیصلہ کیتا گیا۔ جے بل واپس نہ لیا جاندا تاں معاملہ پارلیمنٹ دے مشترکہ اجلاس وچ چلا جانا سی، تاہم فی الحال مشترکہ اجلاس دے انعقاد بارے کوئی حتمی امکان موجود نئیں سی۔