ہر شہری صحت تے تعلیم دا برابر حقدار
ہر پاکستانی صحت تے تعلیم دے برابر معیار دا حقدار: شاہد آفریدی
کراچی (مانیٹرنگ ڈیسک) — قومی کرکٹ ٹیم دے سابق کپتان شاہد خان آفریدی نے آکھیا اے کہ ہر پاکستانی صحت تے تعلیم دے برابر معیار دا حقدار اے۔
اک بیان وچ شاہد آفریدی نے آکھیا کہ جے سرکاری ہسپتال تے تعلیمی ادارے واقعی اینے ای چنگے نیں تاں اقتدار وچ بیٹھے لوک اپنے بچیاں نوں اتھے کیوں نہیں بھیج دے؟
انہاں ہور آکھیا کہ اسلام آباد دے پمز ہسپتال وچ 14 بچے جان توں چلے گئے، انکوائری رپورٹ وی آ گئی تے واقعے دے ذمہ دار حکام نوں معطل کر دتا گیا اے۔
قومی ٹیم دے سابق کپتان نے ہور آکھیا کہ پمز واقعے اُتے فوجداری کارروائی دے احکامات جاری ہو گئے نیں، پر کوئی وی قدم ہن انہاں معصوماں نوں واپس نہیں لیا سکدا۔
