پشاور بی آر ٹی لئی نویاں 25 بسیں پہنچ گئیاں، مجموعی تعداد 296 ہو جاوے گی: مزمل اسلم

پشاور (این این آئی) — وزیر اعلیٰ خیبر پختونخوا دے مشیر برائے خزانہ مزمل اسلم نے پشاور بی آر ٹی لئی 25 نویاں بسیں پہنچن اُتے ردعمل دیندیاں آکھیا اے کہ پشاور بی آر ٹی لئی ہور 27 نویاں بسیں وی چین توں پشاور پہنچن والیاں نیں۔

ایہہ خیالات انہاں گزشتہ روز اک بیان وچ ظاہر کیتے۔ مزمل اسلم نے آکھیا کہ نویاں بسیں پہنچن نال پشاور بی آر ٹی لئی بسیں دی مجموعی تعداد 296 ہو جاوے گی۔

انہاں آکھیا کہ لاہور میٹرو دا روٹ 28 کلومیٹر اے، پر اتھے بسیں دی تعداد صرف 64 اے۔ لاہور دی آبادی پشاور توں تقریباً دُگنی ہون دے باوجود لاہور میٹرو اُتے صرف 64 بسیں چل رہیاں نیں۔

مشیر خزانہ نے آکھیا کہ ملتان میٹرو 18.7 کلومیٹر دے روٹ اُتے صرف 43 بسیں نال چل رہی اے، جدوں کہ کراچی گرین لائن 18 کلومیٹر دے روٹ اُتے 80 بسیں اُتے مشتمل اے۔

انہاں دعویٰ کیتا کہ پورے پنجاب، اسلام آباد تے کراچی دیاں میٹرو بسیں نوں ملا کے وی پشاور بی آر ٹی دیاں 296 بسیں توں تعداد گھٹ اے۔