لاہور وچ پنکی طرز دے منشیات فروشی نیٹ ورک دا انکشاف
لاہور وچ پنکی طرز دے منشیات فروشی نیٹ ورک دا انکشاف
منشیات اسلام آباد توں سپلائی ہو رہیاں نیں، ڈیلر دا ناں احمد عرف پیر لالہ خان: ذرائع
لاہور (آئی این پی) — لاہور وچ پنکی طرز دے منشیات فروشی دے نیٹ ورک دا انکشاف ہویا اے۔ پولیس ذرائع مطابق منشیات فروشاں خلاف درج مقدمیاں وچ ملزماں نے ویڈ تے آئس دے ڈیلر دے ناں دا انکشاف کیتا اے۔
منشیات اسلام آباد توں لاہور سپلائی کیتیاں جا رہیاں نیں، جدوں کہ پولیس ریکارڈ وچ آئس تے ویڈ دا وڈا ڈیلر اسلام آباد دے علاقے ای الیون دا رہائشی دسیا گیا اے۔ پولیس ریکارڈ مطابق ویڈ تے آئس سپلائی ڈیلر دا ناں احمد عرف پیر لالہ خان اے۔
پولیس ذرائع مطابق اسلام آباد تے لاہور پولیس وچکار رابطیاں دی کمی دی وجہ توں احمد عرف پیر لالہ خان نوں گرفتار نہیں کیتا جا سکیا۔
ذرائع دا کہنا اے کہ احمد عرف پیر لالہ لاہور دے ڈیفنس، گلبرگ، ماڈل ٹاؤن، گارڈن ٹاؤن تے کیولری سمیت پوش علاقیاں وچ ہائی سوسائٹی نوں ویڈ تے آئس سپلائی کردا اے۔
پولیس ذرائع مطابق منشیات فروشاں نے نہ صرف علاقے بلکہ شہر وی تقسیم کیتے ہوئے نیں۔ سی سی ڈی پولیس ذرائع مطابق جیویں پنکی لاہور بیٹھ کے منشیات کراچی سپلائی کردی سی، اوہویں احمد عرف پیر لالہ خان اسلام آباد بیٹھ کے لاہور منشیات سپلائی کردا اے۔
پولیس ذرائع مطابق احمد عرف پیر لالہ خان لاہور وچ لمبے عرصے توں منشیات سپلائی دے دھندے وچ ملوث اے۔
