ہائیکورٹ: بچیاں دے سوشل میڈیا استعمال نال متعلق درخواست سماعت لئی مقرر
ہائیکورٹ: بچیاں دے سوشل میڈیا استعمال نال متعلق درخواست سماعت لئی مقرر
اسلام آباد (اپنے نامہ نگار توں) — اسلام آباد ہائیکورٹ نے 16 سال توں گھٹ عمر دے بچیاں دے سوشل میڈیا استعمال نال متعلق قانون سازی دیاں ہدایتاں جاری کرن لئی دائر درخواست سماعت لئی مقرر کر دتی اے۔
چیف جسٹس سردار محمد سرفراز ڈوگر اج سماعت کرن گے۔ شہری وقاص ناصر ولوں 16 سال توں گھٹ عمر دے بچیاں دے سوشل میڈیا استعمال نوں ریگولیٹ کرن لئی عدالت نال رجوع کیتا گیا اے۔
وکیلاں محمد جلال حیدر تے یحییٰ فرید خواجہ ایڈووکیٹس دے ذریعے ہائیکورٹ وچ دائر درخواست وچ 16 سال توں گھٹ عمر دے بچیاں لئی سوشل میڈیا اکاؤنٹس دے حوالے نال عمر دی تصدیق دا مؤثر نظام بناؤن، بچیاں نوں سوشل میڈیا دے مضر اثرات، سائبر بُلنگ، آن لائن ہراسگی تے نقصان دہ مواد توں محفوظ بناؤن تے بچیاں دے آن لائن تحفظ لئی جامع قانونی تے ریگولیٹری فریم ورک تشکیل دین دی استدعا کیتی گئی اے۔
