قادیانی غیر مسلم، پوری قوم فیصلے دے نال کھڑی: ختمِ نبوت کانفرنس
سانوں پاکستان دیاں جغرافیائی تے نظریاتی سرحداں دے تحفظ نوں ملحوظ رکھنا پووے گا: فضل الرحمن۔ مولانا اللہ وسایا، یوسف خان، حافظ اسعد عبید، مولانا امجد خان تے ہوراں دا وی خطاب۔
لاہور ن لاہور وچ یومِ ختمِ نبوت 1974ء دی یاد وچ عالمی مجلس تحفظ ختمِ نبوت دے زیرِ اہتمام سالانہ تحفظ ختمِ نبوت کانفرنس وحدت روڈ کرکٹ گراؤنڈ وچ مجلس دے مرکزی امیر مولانا پیر حافظ ناصر الدین خان خاکوانی، خانقاہ سراجیہ کندیاں دے سجادہ نشین مولانا خواجہ خلیل احمد دی زیرِ صدارت تے زیرِ نگرانی امیر مجلس لاہور مولانا مفتی محمد حسن دی سربراہی وچ منعقد ہوئی۔
کانفرنس وچ جے یو آئی دے سربراہ مولانا فضل الرحمن، عالمی مجلس تحفظ ختمِ نبوت دے مرکزی رہنما مولانا اللہ وسایا، جامعہ اشرفیہ دے شیخ الحدیث مولانا محمد یوسف خان، جامعہ اشرفیہ دے نائب مہتمم مولانا حافظ اسعد عبید، چیئرمین قرآن بورڈ مولانا زبیر حسن، مرکزی جمعیت علماء اسلام دے سربراہ مولانا ڈاکٹر میاں محمد اجمل قادری، جے یو آئی دے مرکزی ڈپٹی سیکرٹری جنرل تے امیر صوبہ پنجاب مولانا محمد امجد خان، متحدہ جمعیت اہلحدیث دے مرکزی رہنما مولانا سید ضیاء اللہ شاہ بخاری، خانقاہ سعدیہ سراجیہ لورالائی دے سجادہ نشین مولانا محب اللہ، ممبر اسلامی نظریاتی کونسل حافظ محمد اجمل، مولانا پیر سیف اللہ نقشبندی، مجلس دے مرکزی رہنما مولانا عزیز الرحمن ثانی تے ہور علماء نے خطاب کیتا۔
مقررین نے شہدائے ختمِ نبوت تے پاکستان دی پارلیمنٹ دے تاریخی فیصلے نوں شاندار الفاظ وچ خراجِ تحسین پیش کردیاں قادیانی برادری نوں اپنی شرانگیزیاں توں باز رہن دی اپیل کیتی تے آکھیا کہ ایہ انہاں دے تے ملک دے مفاد وچ بہتر ہووے گا۔
7 ستمبر یومِ الفتح، قادیانیوں نوں غیر مسلم قرار دینا اکابر دی قربانیاں دا ثمر سی
سربراہ جے یو آئی ف مولانا فضل الرحمن نے کانفرنس نوں خطاب کردیاں آکھیا کہ 7 ستمبر 1974ء نوں قادیانیوں نوں مسلمانوں دی فہرست وچوں کڈھ کے غیر مسلم اقلیت قرار دینا معمولی معرکہ نہیں سی، ایہ ساڈے اکابر دیاں قربانیاں تے جدوجہد دا نتیجہ سی۔ اج وی پوری قوم پارلیمنٹ دے ایس تاریخی فیصلے دے نال کھڑی اے۔
انہاں آکھیا کہ سانوں پاکستان دیاں جغرافیائی تے نظریاتی، دوناں سرحداں دے تحفظ نوں ملحوظ رکھنا پووے گا۔
دوجے مقررین نے آکھیا کہ 7 ستمبر دا دن اک تاریخ ساز دن اے، کیونکہ قومی اسمبلی نے آئین وچ ترمیم کرکے قادیانیوں نوں غیر مسلم اقلیت قرار دِتا سی۔ عقیدہ ختمِ نبوت اسلام دا بنیادی عقیدہ تے شریعتِ محمدی دی اساس تے بنیاد اے۔ عقیدہ ختمِ نبوت تے ناموسِ رسالت دی حفاظت کرن وچ کسے وی قسم دی قربانی توں دریغ نہیں کراں گے۔
علماء کرام نے حکومت توں مطالبہ کردیاں آکھیا کہ قادیانیوں نوں آئین، قانون تے قومی اسمبلی دے فیصلے دا پابند بنایا جائے تے انہاں دیاں غیر قانونی سرگرمیاں دا نوٹس لیا جائے۔ اسیں ناموسِ رسالت قانون دے خلاف سازشاں نوں ناکام بنا دیواں گے۔ 295-C ناموسِ رسالت ایکٹ دے خلاف کوئی سازش کامیاب نہیں ہون دیواں گے۔
