دانش سکولاں وچ اساتذہ دی متناسب بھرتی کیتی جائے: احسن اقبال
غریب بچیاں نوں معیاری تعلیم دین لئی دانش سکول پسماندہ علاقیاں وچ قائم کیتے جا رہے نیں۔ قومی نصاب فریم ورک دا تفصیلی جائزہ لین لئی اعلیٰ سطحی کمیٹی دا قیام ضروری اے: خطاب۔
اسلام آباد وفاقی وزیر منصوبہ بندی تے ترقی احسن اقبال دی زیرِ صدارت دانش سکول اتھارٹی دی پہلی سٹیئرنگ کمیٹی دا اجلاس ہویا، جِس وچ دانش سکول اتھارٹی دی تنظیمِ نو، افرادی قوت وچ بہتری، مالی اثرات، انتظامی تے حکمرانی دے نظام تے ادارہ جاتی ڈھانچے دا تفصیلی جائزہ لیا گیا۔
سیکرٹری تعلیم نے دَسیا کہ دانش سکولاں دا بنیادی تصور مستحق تے غریب طلبہ تے طالبات نوں معیاری تعلیم دے مساوی مواقع فراہم کرنا اے۔
وفاقی وزیر احسن اقبال نے ہدایت کیتی کہ دانش سکولاں وچ اساتذہ دی بھرتی طلبہ تے اساتذہ دے مناسب تناسب نوں مدِنظر رکھدیاں کیتی جائے، تاں جو تدریسی معیار برقرار رکھیا جا سکے۔
انہاں آکھیا کہ دانش سکول پسماندہ تے گھٹ ترقی یافتہ علاقیاں وچ قائم کیتے جا رہے نیں، تاں جو معیاری تعلیم دے ذریعے انہاں علاقیاں دے بچیاں نوں اگے ودھن دے مواقع فراہم کیتے جا سکن۔
وفاقی وزیر نے آکھیا کہ قومی نصاب فریم ورک دا جامع تے تفصیلی جائزہ لین لئی اک اعلیٰ سطحی کمیٹی دا قیام ضروری اے۔
