چینی دے موجودہ ذخیرے تے متوقع پیداوار ملکی ضروریات لئی کافی قرار
اسلام آباد نائب وزیراعظم تے وزیر خارجہ سینیٹر اسحاق ڈار دی زیرِ صدارت شوگر نال متعلق سٹیئرنگ کمیٹی دا اجلاس ہویا، جِس وچ ملک وچ چینی دے ذخیرے تے آئندہ دیاں ضروریات دا جائزہ لیا گیا۔
اجلاس وچ نائب وزیراعظم نے ملک وچ چینی دے وافر ذخیرے دی دستیابی اُتے اطمینان دا اظہار کردیاں آکھیا کہ موجودہ ذخیرے تے متوقع پیداوار رَل کے آئندہ کرشنگ سیزن تک ملکی ضروریات پوری کرن لئی کافی نیں۔
اسحاق ڈار نے ہدایت کیتی کہ غذائی تحفظ، مارکیٹ وچ استحکام تے ضروری اشیائے خورونوش مناسب نرخاں اُتے دستیاب کراؤن لئی مسلسل نگرانی، مؤثر رابطہ کاری تے بروقت اقدامات جاری رکھے جان۔
انہاں آکھیا کہ ضروری اشیائے خورونوش دی طلب تے رسد دی صورتحال اُتے کڑی نظر رکھنا تے کسے وی ممکنہ صورتحال نال نمٹّن لئی بروقت اقدامات کرنا ناگزیر اے۔
