کراچی : غیر اعلانیہ لوڈ شیدنگ ، شہری پریشان

کراچی: کراچی وچ غیر اعلانیہ لوڈ شیڈنگ نے شہریاں نوں رُلا دتا ، شدید گرمی وچ کئی علاقے اندھیرے وچ ڈُب گئے ، شہر قائد وچ ضرورت3500میگا واٹ تک پہنچ گئی ،حکومتاں دے نوٹس تے ناہی سیاسی جماعتاں دے احتجاج کم آئے ، کراچی والیا ں لئی بجلی بحران دی آزمائش مزید ودھ گئی ، رہائشی علاقیاں وچ لوڈ مینجمنٹ دے نام اُتے بجلی بندش دا دورانیہ 10توں 20گھنٹے تک پہنچ گیا ، شکایتاں بوہت لیٹ ہوون نال فالٹس دور کرن وچ وی مشکلات دا ساہمنا،دُجی طرف رہائشی علاقیاں اندر اعلانیہ تے غیر اعلانیہ بجلی دی بندش توں بعد صنعتی علاقیاں اندر وی بجلی دی بندش شروع ہو گئی ، صنعتکاراں نے آکھیا کہ صورتحال ایہ ہی رہی تے صنعتاں بند کر دیاں گے ، شہریاں نے آکھیا کہ صبر دا پیمانہ لبریز ہو چکیا اے ، خدا واسطے حکمران ایس مسئلے دا حل کڈن۔