کساناں دے حقاں لئی نویں صوبیاں دی تحریک ناگزیر: خالد کھوکھر
نویں صوبیاں نال اختیارات نچلی سطح تک منتقل ہون گے: صدر پاکستان کسان اتحاد
رحیم یار خان پاکستان کسان اتحاد دے مرکزی صدر خالد محمود کھوکھر نے آکھیا اے کہ ہن صرف چہرے نہیں بلکہ نظام بدلّن دی ضرورت اے، کسان نوں اپنی فصل دی لاگت وی نہیں مل رہی۔
ایہہ گل انہاں نے ڈسٹرکٹ پریس کلب رحیم یار خان وچ ’’میٹ دی پریس‘‘ نال خطاب کردیاں آکھی۔ انہاں نے آکھیا کہ انتظامی لحاظ نال پنجاب نوں نویں صوبیاں تے یونٹاں وچ تقسیم کرنا ناگزیر ہو چکیا اے تے صوبہ بہاولپور دا قیام وقت دی ضرورت اے۔
ہور صوبیاں وچ وی نویں انتظامی یونٹ قائم کرکے اختیارات نچلی سطح تک منتقل کیتے جان۔ خالد محمود کھوکھر نے آکھیا کہ صرف صوبے بنانا کافی نہیں، مسئلیاں دا حل گڈ گورننس وچ اے۔
انہاں نے کساناں نوں درپیش مشکلات، زرعی اجناس دی درآمد تے شوگر سیس دے استعمال اُتے وی تشویش دا اظہار کیتا تے کساناں دے حقاں دے تحفظ دا مطالبہ کیتا۔
ایس موقع اُتے کسان اتحاد دے ہور عہدیداراں تے صحافیاں دی وڈی گنتی موجود سی۔
