برطانیہ توں فرانس بھیجے گئے سینکڑیاں پناہ گزین لاپتا

لاہور (مانیٹرنگ ڈیسک) برطانیہ تے فرانس دے وچ پناہ گزیناں دے تبادلے دے معاہدے ’ون اِن، ون آؤٹ‘ دے تحت فرانس واپس بھیجے جان والے سینکڑیاں پناہ گزین لاپتا ہو چکے نیں۔

انسانی حقوق دیاں تنظیمیں دے مطابق لاپتا ہون والے افراد وچ گھٹ توں گھٹ 41 ایہوجے بچے وی شامل نیں جنہاں دیاں عمراں بارے تنازع قائم سی۔ ایس پائلٹ سکیم دا اعلان سابق برطانوی وزیراعظم کیئر سٹارمر تے فرانسیسی صدر ایمانوئل میکخواں نے جولائی 2025 وچ کیتا سی۔ ایہ معاہدہ یکم اکتوبر نوں ختم ہو رہیا اے۔

فرانسیسی حکام دے مطابق فرانس واپس بھیجے گئے افراد وچوں صرف 200 دے قریب لوک ہن وی حکام دے رابطے وچ نیں، جدوں کہ ہور سینکڑیاں افراد یورپ دے مختلف ملکاں وچ روپوش ہو چکے نیں۔

متاثرہ افراد دا کہنا اے کہ فرانسیسی حکام دے سخت رویے، اپنے آبائی ملکاں ول زبردستی بے دخلی دے خوف تے بلغاریہ ورگے ہور یورپی ملکاں وچ دوبارہ بھیجے جان دے ڈر کارن اوہ روپوش ہون اُتے مجبور ہوئے۔