سرمایہ کاراں لئی ایس آئی ایف سی دا ڈیجیٹل ٹکٹنگ ہب متعارف
سرمایہ کار ویب اُتے درخواست درج کرا کے متعلقہ اداریاں تک آسان رسائی حاصل کر سکّن گے، خواتین کاروباری افراد لئی سرمایہ کاری دے مواقع تے معاون ماحول اُتے خصوصی توجہ دتی جا رہی اے
اسلام آباد (خصوصی نیوز رپورٹر) سپیشل انویسٹمنٹ فسیلی ٹیشن کونسل (ایس آئی ایف سی) دی ون ونڈو سہولت کاری دے ذریعے پاکستان وچ سرمایہ کاری تے کاروباری مواقع تک رسائی آسان بنائی جا رہی اے۔
سرمایہ کاری دا عمل ہور آسان بناؤن لئی ایس آئی ایف سی نے ڈیجیٹل ٹکٹنگ ہب وی متعارف کرا دتا اے۔ سرمایہ کار ایس آئی ایف سی دی ویب سائٹ اُتے دستیاب ٹکٹنگ ہب دے ذریعے درخواست درج کرا کے سرمایہ کاری نال متعلق سہولت کاری حاصل کر سکدے نیں۔
ایس نظام دے ذریعے متعلقہ اداریاں تے شعبیاں تک رسائی آسان بنائی جا رہی اے، جدوں کہ سرمایہ کاری دے عمل نوں شفاف، مؤثر تے کاروبار دوست بناؤن اُتے وی توجہ دتی جا رہی اے۔
خواتین کاروباری افراد لئی وی آسان سہولتاں، سرمایہ کاری تے کاروباری مواقع تے معاون ماحول دی فراہمی اُتے خصوصی توجہ دتی جا رہی اے، تاں جو انہاں نوں معاشی سرگرمیاں وچ مؤثر کردار ادا کرن دے ہور مواقع میسر آ سکّن۔
