فیصل آباد صنعت دی بجائے رئیل اسٹیٹ دا شہر بن دا جا ریا اے: احسن اقبال
بیوروکریسی دا رویہ انگریز دور والا، تبدیل کرن دی لوڑ: چیمبر آف کامرس وچ خطاب
فیصل آباد (خصوصی رپورٹر) وفاقی وزیر منصوبہ بندی، ترقی تے خصوصی اقدامات پروفیسر احسن اقبال نے بیوروکریسی دے رویے اُتے تنقید کردیاں آکھیا اے کہ پاکستان وچ صنعت چلانا اوکھا، جدوں کہ ہاؤسنگ سوسائٹی بنانا سوکھا ہو گیا اے۔ فیصل آباد صنعتی شہر دی بجائے رئیل اسٹیٹ انڈسٹری دا شہر بن دا جا ریا اے، حکومت اس نظام نوں تبدیل کرن دی کوشش کر رہی اے۔
فیصل آباد چیمبر آف کامرس اینڈ انڈسٹری وچ بزنس ایکسیلنس ایوارڈز دی تقریب نوں خطاب کردیاں وفاقی وزیر نے آکھیا کہ پاکستان وچ بیوروکریسی دا رویہ انگریز دور والا اے، جِنوں تبدیل کرن دی لوڑ اے۔
احسن اقبال نے آکھیا کہ ہُن فیصلہ کرنا پئے گا کہ سانوں بھکھے تے اَن پڑھ بچیاں دی فوج تیار کرنی اے یا صحت مند تے تعلیم یافتہ نسل نوں اگے ودھانا اے۔
