پاکستان تے پولینڈ وچ جوہری تابکاری دے تحفظ بارے ایم او یو اُتے دستخط

اسلام آباد (دنیا رپورٹ) پاکستان نیوکلیئر ریگولیٹری اتھارٹی (پی این آر اے) تے پولینڈ دی نیشنل اٹامک انرجی ایجنسی (این اے ای اے) نے جوہری تے تابکاری دے تحفظ دے شعبیاں وچ دوطرفہ تعاون نوں فروغ دین لئی ایم او یو اُتے دستخط کیتے نیں۔

جس دے تحت پاکستان تے پولینڈ وچ ریگولیٹری تعاون نوں ہور مضبوط کرن وچ مدد ملے گی۔ آئی اے ای اے دے ہیڈکوارٹرز وچ منعقدہ تقریب دوران پی این آر اے ولوں ممبر (ایگزیکٹو) شاہد رشید، جدوں کہ پولینڈ ولوں نیشنل اٹامک انرجی ایجنسی دے صدر آندریج گواووسکی نے مفاہمتی یادداشت اُتے دستخط کیتے۔

مفاہمتی یادداشت دے تحت باہمی دلچسپی دے مختلف شعبیاں وچ تعاون نوں فروغ دِتا جاوے گا، جنہاں وچ جوہری تحفظ تے تابکاری دا تحفظ، ریگولیٹری فریم ورک دی تیاری تے اس نوں ہور مؤثر بنانا، ریگولیٹری جائزہ تے تشخیص، تحقیق تے ترقی، تے دونوں اداریاں وچ پیشہ ورانہ تے ریگولیٹری تجربات دا تبادلہ شامل اے۔

پی این آر اے دے ممبر (ایگزیکٹو) شاہد رشید نے آکھیا کہ ایہ مفاہمتی یادداشت پی این آر اے تے این اے ای اے دے درمیان ریگولیٹری تعاون نوں نواں رخ دین دے نال نال جوہری تے تابکاری دے تحفظ دے شعبیاں وچ علم، مہارت تے تجربات دے تبادلے نوں فروغ دےوے گی۔

پولینڈ دی نیشنل اٹامک انرجی ایجنسی دے صدر آندریج گواووسکی نے آکھیا کہ ایس نال پاکستان نیوکلیئر ریگولیٹری اتھارٹی دے ہور ملکاں دے جوہری ریگولیٹری اداریاں تے بین الاقوامی تنظیمیں نال دوطرفہ تے کثیرالجہتی تعاون دے دائرہ کار وچ ہور وسعت آوے گی۔