سڑکاں بند ہون تے پٹرول، ڈیزل ٹرین دے ذریعے سپلائی کرن دا فیصلہ
اوگرا نے کنٹرول روم قائم کر دِتا، پی ایس او نوں وی پیشگی انتظامات کرن دی ہدایت
اسلام آباد (دنیا نیوز) ملک وچ احتجاج دے پیش نظر سڑکاں دی بندش دے پیش نظر وزارتِ پٹرولیم پٹرول تے ڈیزل دی بلا تعطل فراہمی لئی متحرک ہو گئی اے، سڑکاں دی بندش دی صورت وچ پاکستان ریلوے نوں بروئے کار لیاؤن دا فیصلہ کیتا گیا اے تے وزارتِ پٹرولیم دے مطابق پاکستان ریلوے سڑکاں دی بندش دی صورت وچ ڈیزل دی ترسیل لئی زیادہ توں زیادہ ریل دیاں بوگیاں فراہم کرے گا۔ ایڈیشنل سیکرٹری ریلوے ولوں یقین دہانی کرائی گئی اے کہ پختونخوا وچ سپلائی لئی ضروری اقدامات کیتے جان گے۔
علاوہ ازیں پٹرولیم مصنوعات دی مسلسل دستیابی لئی اوگرا دا خصوصی کنٹرول روم وی قائم کر دِتا گیا اے۔ پی ایس او نوں ڈپوواں اُتے وافر مقدار وچ ایندھن دی دستیابی یقینی بناؤن لئی پیشگی انتظامات دی ہدایت کیتی گئی اے، جدوں کہ پی ایس او دا کہنا اے کہ ممکنہ تعطل دے پیش نظر اہم ڈپوواں اُتے اضافی پٹرولیم مصنوعات دا ذخیرہ پہلاں ای کر لیا گیا اے۔
وفاقی وزیر علی پرویز ملک نے ہدایت کیتی اے کہ امن و امان دی صورتحال یا سڑکاں دی بندش دی صورت وچ پٹرولیم مصنوعات دی ترسیل متاثر نہ ہون دِتی جائے۔ متعلقہ ادارے پٹرولیم مصنوعات دی ترسیل تے سپلائی لئی پیشگی انتظامات یقینی بناؤن، اٹک ریفائنری نوں خام تیل دی مسلسل فراہمی تے تیار مصنوعات دی ترسیل یقینی بناؤن دے اقدامات کیتے جان۔
اوگرا نے کنٹرول روم قائم کر دِتا، پی ایس او نوں وی پیشگی انتظامات کرن دی ہدایت
اسلام آباد (دنیا نیوز) ملک وچ احتجاج دے پیش نظر سڑکاں دی بندش دے پیش نظر وزارتِ پٹرولیم پٹرول تے ڈیزل دی بلا تعطل فراہمی لئی متحرک ہو گئی اے، سڑکاں دی بندش دی صورت وچ پاکستان ریلوے نوں بروئے کار لیاؤن دا فیصلہ کیتا گیا اے تے وزارتِ پٹرولیم دے مطابق پاکستان ریلوے سڑکاں دی بندش دی صورت وچ ڈیزل دی ترسیل لئی زیادہ توں زیادہ ریل دیاں بوگیاں فراہم کرے گا۔ ایڈیشنل سیکرٹری ریلوے ولوں یقین دہانی کرائی گئی اے کہ پختونخوا وچ سپلائی لئی ضروری اقدامات کیتے جان گے۔
علاوہ ازیں پٹرولیم مصنوعات دی مسلسل دستیابی لئی اوگرا دا خصوصی کنٹرول روم وی قائم کر دِتا گیا اے۔ پی ایس او نوں ڈپوواں اُتے وافر مقدار وچ ایندھن دی دستیابی یقینی بناؤن لئی پیشگی انتظامات دی ہدایت کیتی گئی اے، جدوں کہ پی ایس او دا کہنا اے کہ ممکنہ تعطل دے پیش نظر اہم ڈپوواں اُتے اضافی پٹرولیم مصنوعات دا ذخیرہ پہلاں ای کر لیا گیا اے۔
وفاقی وزیر علی پرویز ملک نے ہدایت کیتی اے کہ امن و امان دی صورتحال یا سڑکاں دی بندش دی صورت وچ پٹرولیم مصنوعات دی ترسیل متاثر نہ ہون دِتی جائے۔ متعلقہ ادارے پٹرولیم مصنوعات دی ترسیل تے سپلائی لئی پیشگی انتظامات یقینی بناؤن، اٹک ریفائنری نوں خام تیل دی مسلسل فراہمی تے تیار مصنوعات دی ترسیل یقینی بناؤن دے اقدامات کیتے جان۔
