قائم مقام چیئرمین سینیٹ نال سپیکر مالدیپ پیپلز مجلس دی ملاقات، تعاون اُتے اتفاق
اسلام آباد (اپنے رپورٹر توں) قائم مقام چیئرمین سینیٹ سیدال خان ناصر نال مالدیپ دی پیپلز مجلس دے سپیکر عبدالرئیم عبداللہ نے پارلیمانی وفد دے ہمراہ ملاقات کیتی۔
سیدال خان ناصر نے آکھیا کہ پاکستان ٹیکسٹائل، چاول، سیمنٹ، گوشت، پھلاں، سبزیاں تے ادویات سمیت مختلف شعبیاں وچ تعاون ودھاؤن دا خواہاں اے۔ مالدیپی سپیکر نے پاکستان دی معاونت نوں سراہندیاں آکھیا کہ مالدیپ تجارت، تعلیم، دفاع تے سرمایہ کاری سمیت مختلف شعبیاں وچ تعاون ہور ودھانا چاہندا اے۔
