فائر سیفٹی قوانین دا عدم نفاذ، حکومت نوں جواب لئی مہلت
خود دورہ کیتا، سیشن کورٹ وچ فائر سیفٹی سسٹم چل ریا اے: چیف جسٹس اسلام آباد ہائیکورٹ
بخشی خانے وچ کمی اے: وکیل، انتظامی جج نوں آکھو، وزارت نے تاں نہیں کرنا: جسٹس ڈوگر
اسلام آباد اسلام آباد ہائیکورٹ دے چیف جسٹس سردار سرفراز ڈوگر نے وفاقی دارالحکومت وچ فائر سیفٹی قوانین دے عدم نفاذ خلاف دائر آئینی درخواست وچ حکومت تے اسلام آباد ہیلتھ کیئر ریگولیٹری اتھارٹی نوں جواب لئی مہلت دی استدعا منظور کر لئی۔
ملک نوید عاشق اعوان دی درخواست اُتے سماعت دوران ایڈووکیٹ افراسیاب رانا نے موقف اختیار کیتا کہ ڈسٹرکٹ اینڈ سیشن کورٹ ایسٹ تے ویسٹ وچ وی فائر سیفٹی قوانین دے نفاذ دا حکم دِتا جاوے۔
چیف جسٹس نے آکھیا کہ سیشن کورٹ وچ تاں فائر سیفٹی قوانین دے نفاذ دا سارا سسٹم چل ریا اے، میں آپ دورہ کیتا اے۔ اتھے کیمرے، سیفٹی قوانین تے سائرن سب چنگی طرح کم کر رہے نیں، ون کنٹرول اُتے سارے دروازے کھل جاندے نیں۔
وکیل نے آکھیا کہ سیشن کورٹ دے انتظامی بلاک تے بخشی خانے دے کول کمی اے، اتھے سیفٹی کیمرے تے ہور چیزاں پوری نیں۔
چیف جسٹس نے آکھیا کہ فیر تُسی اتھوں دے انتظامی جج نوں آکھو، اوہ کر دین گے، وزارتِ صحت نے تاں نہیں کرنا۔
بعدازاں عدالت نے سماعت اگلے ہفتے تک ملتوی کر دِتی۔
