مومنہ اقبال ولوں ثاقب چدھڑ دی ٹیکس ریٹرن دی جانچ لئی درخواست
ایم پی اے نے 18 کروڑ دی گاڑی، کروڑاں روپے دین دا دعویٰ کیتا اے، اداکارہ دی درخواست اُتے ہائیکورٹ دی چیف کمشنر ایف بی آر فیصل آباد نوں فیصلہ کرن دی ہدایت
لاہور (کورٹ رپورٹر) اداکارہ مومنہ اقبال نے لیگی ایم پی اے ثاقب چدھڑ دے انکم ٹیکس ریٹرن دی جانچ پڑتال لئی لاہور ہائیکورٹ وچ درخواست دائر کر دِتی، جسٹس حسن نواز مخدوم نے مومنہ اقبال دی درخواست اُتے حکم جاری کیتا۔
مومنہ اقبال نے درخواست وچ موقف اختیار کیتا کہ ایم پی اے ثاقب چدھڑ نے مومنہ اقبال نوں اٹھارہ کروڑ دی گاڑی دین دا دعویٰ کیتا، ثاقب چدھڑ مومنہ نوں کروڑاں روپے دی رقم دین دا دعویٰ وی کر چکے نیں۔
عدالت چیف کمشنر فیصل آباد نوں ثاقب چدھڑ دے ٹیکس ریٹرنز دی جانچ پڑتال دا حکم دے۔
عدالت نے چیف کمشنر ایف بی آر فیصل آباد نوں درخواست اُتے فیصلہ کرن دی ہدایت کر دِتی۔
