اسلام آباد دا اک اک انچ کیمریاں نال کور ہووے گا: طلال چودھری
اسلام آباد وزیر مملکت برائے داخلہ طلال چودھری نے آکھیا کہ اسلام آباد دا اک اک انچ کیمریاں نال کور ہووے گا، وفاقی دارالحکومت وچ پانی دی کمی دور کرن لئی تین ڈیم 3، 4 سال وچ بنن گے۔
ووٹ ذات یا صورت نئیں، کارکردگی ویکھ کے دِتا کرو۔ وفاقی وزیر طارق فضل چودھری نے آکھیا کہ کوئی وی بیوروکریٹ اختیارات اپنے ہتھاں توں نئیں جان دیندا، اسلام آباد انتظامیہ دے ڈرافٹ اُتے کم جاری اے، ساریاں نال مشاورت ہو رہی اے، اس توں بعد وزیراعظم تے پھر پارلیمنٹ وچ پیش کراں گے۔ بااختیار اسمبلی تے حکومت ہووے گی، فیڈرل کیپٹل نوں مدنظر رکھدیاں پولیس ایس نئی حکومت تے انتظامیہ دے ماتحت نئیں ہووے گی۔
اسلام آباد چیمبر وچ صوبیاں دے مکالمے وچ شرکت تے خطاب کردیاں طلال چودھری نے آکھیا کہ 1100 ارب روپے مالیت دیاں تجاوزات دا خاتمہ کیتا گیا، اسلام آباد وچ ٹریفک دے مسئلے حل کیتے، پاکستان وچ پہلا سمارٹ سٹی بناؤن جا رہے آں، اسلام آباد نوں سمارٹ سٹی بنایا جا رہا اے۔
انہاں دا کہنا سی کہ موجودہ اسلام آباد پولیس دے 70 فیصد اہلکاراں دی عمر 50 سال توں ودھ اے، نئی بھرتی ہو رہی اے۔ اسلام آباد ایف سکس وچ رہن والا صرف 260 روپے پانی دا بل دیندا اے تے اوہ وی مکمل نئیں دیندا۔ محسن نقوی تے شہباز شریف اسلام آباد نوں تین نویں ڈیم دین گے، سالڈ ویسٹ دا کوئی نظام نئیں۔
ڈاکٹر طارق فضل چودھری نے چیمبر وچ صوبیاں دے حوالے نال تقریب نوں خطاب کردیاں آکھیا کہ اکتوبر وچ پارلیمنٹ دے اجلاس دوران وی ایہ معاملہ زیرِ بحث آوے گا۔ اسلام آباد نوں وفاقی یونٹ بناؤن دا فیصلہ اسلام آباد والے خود کرن گے۔
وزیراعظم تے وزیر داخلہ محسن نقوی نے اسلام آباد نوں وفاقی یونٹ تے انتظامی ڈھانچے نوں تبدیل کرن دے حوالے نال بہترین کم کیتا اے تے ہُن عوام تے چیمبر وی اک زبان نیں۔ ٹیکس لین دے باوجود وفاقی حکومت اگے اگے تے اسلام آباد دے نمائندے پچھے پچھے ہوندے نیں۔
