پٹرول سکیم ہور 10 مہینے جاری رکھنی پئی تے جاری رکھاں گے: وزیرِ پٹرولیم

لاہور (سیاسی نمائندہ، مانیٹرنگ ڈیسک) وفاقی وزیرِ پٹرولیم علی پرویز ملک نے آکھیا کہ وزیراعظم دی سستا پٹرول سکیم ہور 10 مہینے جاری رکھنی پئی تے رکھاں گے، سکیم لئی حکومت اپنے وسائل وچ کٹوتی کرے گی۔

ریاست نوں دھمکاؤن والے ناکام ہون گے، ریاست دا تحفظ اولین ترجیح اے۔

محمود بوٹی یو سی 137 وچ ترقیاتی کمّاں دی افتتاحی تقریب نوں خطاب تے میڈیا نال گل بات کردیاں علی پرویز ملک نے آکھیا کہ مشکل دی ایس گھڑی وچ وزیراعظم تے حکومت اک قدم وی پچھے نہیں ہٹن گے۔ جے 10 مہینیاں تک ایہ نظام چلانا پیا تے حکومت اپنے بجٹ وچوں 400 توں 500 ارب روپے کٹ کرکے عوام اُتے خرچ کرے گی۔

ہُن تک 60 لاکھ توں ودھ افراد اپنی موٹرسائیکلاں تے گاڑیاں رجسٹر کرا چکے نیں۔ وزیراعظم شہباز شریف نوں عوام دیاں مشکلات تے تکلیف دا احساس اے۔ حکومت اوہ کم نہیں کرے گی جو 2022 وچ سابق حکومت نے کیتا سی۔

حافظ عاصم منیر، اسحاق ڈار تے محسن نقوی بہترین کردار ادا کر رہے نیں۔ وزیراعظم دے بہتر فیصلےآں دی بدولت پاکستان وچ تیل دی قلت کدے پیدا نہیں ہووے گی۔