آفریدی جا رہے نیں یا نہیں، پارٹی ترجمان ہی دَس سکدے نیں: گورنر کے پی
اسلام آباد چڑھائی دا نتیجہ صفر ہووے گا، ایہوجے حالات وچ احتجاج مناسب نہیں، صوبے وچ امن لئی متعلقہ فریقین نوں نال لے کے چلنا ہووے گا: فیصل کنڈی
اسلام آباد (مانیٹرنگ ڈیسک) گورنر خیبر پختونخوا فیصل کریم کنڈی نے آکھیا اے کہ سہیل آفریدی جا رہے نیں یا کوئی ہور آ رہیا اے، ایہ اوہناں دی پارٹی دے ترجمان ہی دَس سکدے نیں۔ جے کسے دا استعفیٰ آیا تے میں اوہ منظور کر لاواں گا۔
میڈیا نال گل بات کردیاں گورنر نے آکھیا کہ پچھلے 2 سالاں دوران کئی واری گورنر راج لاؤن دی گل ہوئی اے۔ مارچ لئی تاریخ فیر بدلی جاوے گی، ایہ تاریخ اُتے تاریخ والا معاملہ اے۔
اسیں روزانہ لاشاں چک رہے آں، ایہوجے حالات وچ اسلام آباد چڑھائی مناسب نہیں۔ اسلام آباد چڑھائی دا نتیجہ صفر ہووے گا۔
پی ٹی آئی قیادت آپ ساختہ روپوشی اختیار کرکے گرفتاری دے رہی اے۔ سارے مل بیٹھ کے کم کرن گے تے صوبے وچ امن قائم ہو جاوے گا۔ امن لئی سارے سٹیک ہولڈرز نوں نال لے کے کم کرنا ہووے گا۔ افغانستان دہشتگرداں دی سہولت کاری کر رہیا اے۔
صوبے دے مفاد لئی وزیراعظم نال ملاقات کرکے پشاور آؤن دی دعوت دتی تے وزیراعظم نوں امن و امان نال متعلق کابینہ اجلاس تے ایپکس کمیٹی دا اجلاس پشاور وچ بلاؤن دا آکھیا اے۔
