لاہور ہائیکورٹ: 5 دن وچ 6473 مقدمے نمٹا دتے گئے

لاہور ہائیکورٹ: 5 دن وچ 6473 مقدمے نمٹا دتے گئے

تاریخ وچ پہلی واری دائر ہون والے مقدمیاں توں ودھ زیرِ التوا مقدمے نمٹائے گئے

لاہور لاہور ہائیکورٹ نے 21 توں 25 ستمبر تک پرنسپل سیٹ لاہور تے تِنّاں علاقائی بینچاں وچ دائر تے نمٹائے گئے مقدمیاں دے اعداد و شمار جاری کر دتے نیں۔

رپورٹ دے مطابق پنج دن دوران لاہور ہائیکورٹ تے اوہدے بینچاں وچ مجموعی طور اُتے 3415 مقدمے دائر ہوئے، جدوں کہ 6473 مقدمے نمٹا دتے گئے۔

چیف جسٹس ہائیکورٹ جسٹس مس عالیہ نیلم ولوں سائلین نوں بروقت انصاف دی فراہمی یقینی بناؤن نال متعلق پالیسیاں دے ثمرات سائلین نوں ملن لگ پئے نیں۔

ہائیکورٹ دی تاریخ وچ پہلی واری دائر ہون والے مقدمیاں توں ودھ زیرِ التوا مقدمے نمٹائے گئے۔

ذرائع دے مطابق لاہور ہائیکورٹ دی پرنسپل سیٹ اُتے پنج دن دوران 1957 مقدمے دائر تے 3301 نمٹائے گئے۔ ملتان بینچ وچ 761 مقدمے دائر ہوئے، جدوں کہ 1877 مقدمے نمٹائے گئے۔

راولپنڈی بینچ وچ 352 مقدمے دائر تے 409 مقدمے نمٹائے گئے، جدوں کہ بہاولپور بینچ وچ 345 مقدمے دائر تے 886 مقدمے نمٹائے گئے۔

اعداد و شمار دے مطابق مجموعی طور اُتے سول نوعیت دے 352 مقدمے دائر ہوئے تے 664 نمٹائے گئے۔ فوجداری مقدمیاں دے 1289 کیس دائر ہوئے، جدوں کہ 2514 نمٹائے گئے۔

ٹیکس نال متعلق 30 مقدمے دائر ہوئے تے 102 نمٹائے گئے۔ رِٹ پٹیشنز دے 1739 مقدمے دائر ہوئے، جدوں کہ 3178 نمٹائے گئے۔ کمرشل نوعیت دے 5 مقدمے دائر ہوئے تے 15 نمٹائے گئے۔

رپورٹ دے مطابق 21 ستمبر نوں 376 مقدمے دائر تے 765 نمٹائے گئے، 22 ستمبر نوں 442 دائر تے 734 نمٹائے گئے، 23 ستمبر نوں 491 دائر تے 725 نمٹائے گئے، 24 ستمبر نوں 386 مقدمے دائر تے 815 نمٹائے گئے، جدوں کہ 25 ستمبر نوں 262 مقدمے دائر تے 262 مقدمے نمٹائے گئے۔

پنج روزہ مجموعی اعداد و شمار دے مطابق عدالتِ عالیہ دے مختلف بینچاں وچ مقدمے نمٹاؤن دی تعداد دائر ہون والے مقدمیاں توں ودھ رہی۔