گرو نانک دی برسی، سکھ یاتریاں دی گوردوارہ جنم استھان آمد
ننکانہ صاحب (خبر نگار) بابا گرو نانک دے 487ویں جوتی جوگ گرپرب (برسی دیاں تقریباں) وچ شرکت لئی مختلف ملکاں توں پاکستان آؤن والے سکھ یاتری گوردوارہ جنم استھان ننکانہ صاحب پہنچ گئے، جتھے اوہناں مذہبی رسوماں ادا کیتیاں۔
یاتریاں نے بابا گرو نانک دی جائے پیدائش اُتے حاضری دتی تے پاکستان دی سلامتی تے ترقی سمیت دنیا بھر وچ امن لئی خصوصی دعاواں کیتیاں۔
یاتریاں نے گوردوارہ جنم استھان دے مختلف حصیاں دا دورہ کیتا تے تاریخی عمارت وچ جاری تزئین و آرائش دے کم نوں سراہیا۔
