مستونگ وچ قومی شاہراہ اُتے ہوٹل دھماکے نال تباہ
نیڑے دے گھراں دے شیشے ٹٹ گئے، اک دکان وی مکمل طور اُتے تباہ، کھڈکوچہ دے نیڑے ٹیوب ویلاں دیاں تقریباً 250 سولر پلیٹاں ناکارہ، ہوٹل دی عمارت زمین بوس، علاقے وچ خوف و ہراس، تحقیقات شروع
کوئٹہ (سٹاف رپورٹر) بلوچستان دے علاقے مستونگ وچ قومی شاہراہ اُتے کھڈکوچہ دے نیڑے نامعلوم افراد نے ہوٹل نوں مبینہ طور اُتے بارودی مواد نال اڑا دِتا، دھماکے دے نتیجے وچ ہوٹل دی عمارت مکمل طور اُتے زمین بوس ہو گئی۔
پولیس حکام دے مطابق دھماکے دی شدت نال نیڑے دے گھراں دے شیشے ٹٹ گئے، جدویں کہ نال موجود اک دکان وی مکمل طور اُتے تباہ ہو گئی۔
پولیس دا کہنا اے کہ دھماکے نال نیڑے دے ٹیوب ویلاں دیاں تقریباً 250 سولر پلیٹاں وی ناکارہ ہو گئیاں۔ واقعے توں بعد علاقے وچ شدید خوف و ہراس پھیل گیا، تاہم کسے جانی نقصان دی اطلاع نہیں ملی۔
پولیس نے واقعے دیاں تحقیقات شروع کر دِتیاں نیں۔
