ڈار دی زیرِ صدارت اجلاس، خارجہ پالیسی تے کفایت شعاری دے اقدامات دا جائزہ
اسلام آباد (وقائع نگار) نائب وزیراعظم تے وزیرِ خارجہ سینیٹر محمد اسحاق ڈار اقوامِ متحدہ دی جنرل اسمبلی دے 81ویں اجلاس وچ شرکت توں بعد وطن واپس پہنچ گئے۔
دورے دوران اوہناں نے وزیراعظم دے نال اعلیٰ سطح دے اجلاس تے ملاقاتاں وچ شرکت کیتی۔ ترجمان دفترِ خارجہ دے مطابق اسحاق ڈار نے اقوامِ متحدہ تے او آئی سی دے اجلاس وچ شرکت کیتی، جدویں کہ ای سی او وزرا کونسل دے 27ویں غیر رسمی اجلاس دی صدارت وی کیتی۔
نائب وزیراعظم نے فلسطین تے جموں و کشمیر بارے پاکستان دے اصولی موقف دا اعادہ کردیاں علاقائی امن تے استحکام دے فروغ لئی مذاکرات تے سفارت کاری جاری رکھن دی اہمیت اُتے زور دِتا۔
وطن واپسی توں بعد وزارتِ خارجہ وچ اسحاق ڈار دی زیرِ صدارت اہم اجلاس ہویا۔ اجلاس وچ پاکستان دی خارجہ پالیسی دے مجموعی منظرنامے، خطے دی بدل دی صورتحال تے آئندہ ہون والیاں اہم سفارتی سرگرمیاں دا جائزہ لیا گیا۔
اسحاق ڈار دی زیرِ صدارت کفایت شعاری تے اضافی بچت دے اقدامات دی نگرانی تے عملدرآمد نال متعلق کمیٹی دا اجلاس وی ہویا۔ اجلاس وچ خارجہ پالیسی وچ کفایت شعاری، وسائل دے تحفظ تے مالیاتی نظم و ضبط لئی کیتے گئے اقدامات اُتے پیش رفت دا جائزہ لیا گیا۔
نائب وزیراعظم نے متعلقہ وزارتاں تے ڈویژناں نوں گزشتہ اجلاساں وچ کیتے گئے فیصلےآں اُتے مکمل تے مؤثر عملدرآمد یقینی بناؤن دی ہدایت کیتی۔
