عمران خان نال ملاقات دی اجازت نہ ملی، علیمہ خان سمیت تِنّاں بھیناں دی جیل وچ بھوک ہڑتال

راولپنڈی (مانیٹرنگ ڈیسک) کوٹ لکھپت جیل وچ نظر بند بانی پی ٹی آئی عمران خان دیاں بھیناں علیمہ خان، ڈاکٹر عظمٰی تے نورین نیازی نے بھوک ہڑتال کر دِتی۔ اڈیالہ روڈ اُتے ناکے اُتے میڈیا نال گل کردیاں عمران خان دے کزن قاسم زمان نے آکھیا کہ لاہور ہائی کورٹ دے حکم دے باوجود تِنّاں بھیناں تک ضروری اشیاء نہیں پہنچائیاں گئیاں۔

پورا ہفتہ گزرن توں بعد پیر دے روز عدالت نے ضروری اشیاء فراہم کرن دا حکم دِتا، پر نہ ملاقات ہوئی تے نہ ہی کوئی چیز اندر پہنچائی گئی۔ قاسم زمان دے مطابق تِنّاں بھیناں 48 گھنٹے توں بھوک ہڑتال اُتے نیں۔

دریں اثنا اڈیالہ جیل وچ عمران خان نال قاسم خان سمیت کسے وی رہنما نوں ملاقات دی اجازت نہ مل سکی۔ پارٹی چیئرمین بیرسٹر گوہر خان، نیاز اللہ نیازی، اویس یونس، خالد یوسف، شمسہ کیانی تے فیصل ملک ملاقات لئی اڈیالہ پہنچے سن، ملاقات نہ ہون اُتے واپس چلے گئے۔