سائنسی معاونت، پی آئی این ایس ٹی تے او جی ڈی سی ایل وچ معاہدہ
پی آئی این ایس ٹی سائنسی تجزیے لئی او جی ڈی سی ایل نوں تکنیکی مہارت فراہم کرے گا
اسلام آباد (خصوصی نیوز رپورٹر) پاکستان انسٹی ٹیوٹ آف نیوکلیئر سائنس اینڈ ٹیکنالوجی تے آئل اینڈ گیس ڈویلپمنٹ کمپنی لمیٹڈ دے درمیان منگل دے روز آئل اینڈ گیس ڈویلپمنٹ کمپنی لمیٹڈ دے مرکزی دفتر وچ اک معاہدے اُتے دستخط کیتے گئے۔
ایہ معاہدہ دوناں اداریاں دے درمیان تعاون نوں ہور مضبوط بناؤن دے نال نال آئل اینڈ گیس ڈویلپمنٹ کمپنی لمیٹڈ دے لیتھیم حاصل کرن دے منصوبے لئی سائنسی تے تجزیاتی معاونت فراہم کرن ول اک اہم قدم اے۔
معاہدے دے تحت پاکستان انسٹی ٹیوٹ آف نیوکلیئر سائنس اینڈ ٹیکنالوجی، آئل اینڈ گیس ڈویلپمنٹ کمپنی لمیٹڈ نوں مختلف عناصر دی جامع جانچ تے تجزیے دے نال نال تابکار عناصر دی شناخت تے سائنسی تجزیے لئی اپنی خصوصی تکنیکی مہارت تے خدمات فراہم کرے گا۔
پاکستان انسٹی ٹیوٹ آف نیوکلیئر سائنس اینڈ ٹیکنالوجی دے ڈائریکٹر جنرل ڈاکٹر قمر الحق تے آئل اینڈ گیس ڈویلپمنٹ کمپنی لمیٹڈ دے شعبہ سپلائی چین مینجمنٹ دے جنرل مینیجر مسٹر اعجاز عباس رضوی نے اپنے اپنے اداریاں دی طرفوں معاہدے اُتے دستخط کیتے۔ ایس موقع اُتے ڈاکٹر شکیل عباس روفی تے احمد حیات لک وی موجود سن۔
