ایف بی آر دا کسٹمز وچ ڈیجیٹل ریکارڈ اپ ڈیٹ نہ ہون اُتے اظہارِ تشویش

ملازماں دے تبادلے، تعیناتیاں دا ریکارڈ متاثر ہو رہیا، غلط رپورٹنگ دے خدشے ودھ گئے، گریڈ 1 توں 21 تک دے سارے افسران تے ملازماں دیاں تفصیلات ہر ماہ جمع کراؤن دی ہدایت

اسلام آباد (نیوز رپورٹر) ایف بی آر نے کسٹمز دیاں فیلڈ فارمیشنز وچ ڈیپوٹیشن تے تبادلیاں توں بعد ڈیجیٹل ریکارڈ اپ ڈیٹ نہ ہون اُتے تشویش دا اظہار کیتا اے۔ ایف بی آر نے گریڈ 1 توں 21 تک دے افسران تے ملازماں دیاں تفصیلات ہر ماہ جمع کراؤن دی ہدایت جاری کر دِتی اے۔

ایف بی آر دے مطابق ہیومن ریسورس انفارمیشن سسٹم (ایچ آر آئی ایس) دے ڈیٹا وچ عدم تسلسل دے باعث ملازماں دے تبادلے تے تعیناتیاں دا ریکارڈ متاثر ہو رہیا اے، جس نال غلط رپورٹنگ دے خدشے ودھ گئے نیں۔

ساریاں کسٹمز فارمیشنز دے سربراہاں نوں پابند کیتا گیا اے کہ اوہ ہر ماہ دے پہلے ہفتے وچ سارے ملازماں دیاں حتمی تے اپ ڈیٹ شدہ فہرستاں مقررہ فارمیٹ تے ایکسل فارمیٹ وچ مخصوص ای میل اُتے ارسال کرن۔