مینٹل ہیلتھ پوری عالمی برادری دی مشترکہ ذمہ داری، گلوبل ہیلتھ سمٹ

پاکستان گلوبل الائنس فار مینٹل ہیلتھ دے ذریعے عالمی تعاون اگے ودھاؤن لئی تیار، ساریاں لئی ذہنی صحت یقینی بناؤن لئی دنیا متحد، اسلام آباد عملی اقدامات دا مرکز بنے، اعلامیہ

اسلام آباد (اے پی پی) وزارتِ صحت دے زیرِ اہتمام پاکستان گلوبل ہیلتھ سمٹ 2026 دا اعلامیہ جاری کر دِتا گیا اے۔

جمعہ نوں اسلام آباد وچ منعقدہ دو روزہ سمٹ دے اختتام اُتے ’’اسلام آباد ڈیکلریشن‘‘ دے عنوان نال جاری اعلامیے وچ ذہنی صحت نوں مشترکہ عالمی ذمہ داری قرار دیندیاں آکھیا گیا اے کہ ذہنی صحت کسے اک ملک یا ادارے دی نہیں بلکہ پوری عالمی برادری دی مشترکہ ذمہ داری اے۔

اعلامیے وچ پاکستان ولوں آکھیا گیا کہ پاکستان اپنی قومی ذہنی صحت پالیسی فریم ورک نوں قابلِ پیمائش نتائج وچ تبدیل کرن تے گلوبل الائنس فار مینٹل ہیلتھ دے ذریعے عالمی تعاون نوں اگے ودھاؤن لئی تیار اے۔

ذہنی صحت دے شعبے وچ تقسیم توں ہم آہنگی، قلیل مدتی منصوبیاں توں پائیدار مالی معاونت تے پالیسی وعدیاں توں جوابدہ عملی اقدامات ول پیش رفت کیتی جاوے گی۔

ایہ اعلامیہ سرحداں توں بالاتر ہو کے ذہنی صحت نوں ساریاں لئی یقینی بناؤن لئی دنیا نوں متحد کرے، جدویں کہ اسلام آباد عالمی مکالمے، سکھن تے عملی اقدامات دا مرکز بنے۔