کراچی توں روانہ ہون والیاں 6 پروازاں منسوخ
کراچی (آئی این پی) کراچی توں روانہ ہون والیاں 6 پروازاں منسوخ ہو گئیاں۔
تکنیکی وجوہات دی وجہ نال منسوخ ہون والیاں پروازاں وچ کراچی توں اسلام آباد جان والی پی آئی اے دی پرواز پی کے 370، کراچی توں لاہور جان والی پی آئی اے دی پرواز پی کے 304 تے کراچی توں سکھر جان والی پی آئی اے دی پرواز پی کے 536 شامل نیں۔
کراچی توں لاہور جان والی ایئر سیال دی پرواز پی ایف 143، کراچی توں دبئی جان والی ایئر بلیو دی پرواز پی اے 110 تے کراچی توں لاہور جان والی ایئر بلیو دی پرواز پی اے 402 وی منسوخ ہون والیاں پروازاں وچ شامل نیں۔
